Засгийн газар хуралдаж байна

Засгийн газрын ээлжит хуралдаан болж байна. Хуралдаанаар цаг үеийн шинжтэй зарим асуудлыг хэлэлцэнэ. 

Хуралдаан бүрийн эхэнд коронавирусийн халдварын нөхцөл байдал болон Авлигын индексийг бууруулах ажлын хэсгийн явцыг танилцуулдаг уламжлалтай. Өнөөдрийн хуралдаанаар ирэх оны төсөв, Нийгмийн даатгалын багц хууль, Баялгийн сангийн хуулийн төсөл зэргийг хэлэлцэхээр төлөвлөжээ.

Нийгмийн даатгалын багц хуульд:

• Нийгмийн даатгалын ерөнхий хуулийн төсөл,
• Нийгмийн даатгалын сангаас олгох тэтгэврийн тухай хуулийн төсөл,
• Нийгмийн даатгалын сангаас олгох тэтгэмжийн тухай хуулийн төсөл,
• Нийгмийн даатгалын сангаас олгох үйлдвэрлэлийн осол, мэргэжлээс шалтгаалсан өвчний тэтгэвэр, тэтгэмж, төлбөрийн тухай хуулийн төсөл,
• Хувийн нэмэлт тэтгэврийн тухай хуулийн төслийг тус тус шинэчлэн  боловсруулжээ.

Дээрх хуулиудын төслийг энэ оны тавдугаар сараас төрийн болон төрийн бус байгууллага, олон нийтэд нээлттэй хэлэлцүүлэх ажлыг үе шаттай зохион байгуулж байгаа ба уг хуулиудын төсөл нь одоо мөрдөгдөж буй эв санааны нэгдлээс хуримтлалын тогтолцоонд шилжих бодлогод тулгуурлаж, нийгмийн даатгалаас олгох тэтгэвэр, тэтгэмж, төлбөр нь даатгуулагчийн шимтгэл төлсөн хугацаа, төлсөн шимтгэлийн хэмжээтэй уялдаатай байх, мөн санхүүгийн хувьд тогтвортой, бие даасан, найдвартай байдлыг хангасан байх зарчимд тулгуурлан боловсруулсан гэж ажлын хэсгийн гишүүд тодотгож буй.