2022/01/19
USD 2,811

​Оюутолгойн ТУЗ хуралдана

Ш.АДЪЯАМАА
2021/09/29

Оюутолгойн Төлөөлөн удирдах зөвлөл өнөөдөр /2021.09.29/ хуралдана. Уг хуралдаанаар зардал хэтэрсэн тухай  хөндлөнгийн мэргэжлийн шинжээчийн дүгнэлтийн талаар хэлэлцэнэ гэсэн мэдээлэл байна. 

Оюутолгой төслийн гүний уурхайн бүтээн байгуулалтын зардал ихээр нэмэгдэж, уурхай ашиглалтад орох хугацаа бараг хоёр жилээр хойшилсон асуудлаар хөндлөнгийн шалгалт хийсэн тухай шинжээчдийн дүгнэлт гарсан. Уг дүгнэлтээр гүний уурхайн ашиглалтад орох хугацаа даруй 22 сараар хойшилж хөрөнгө оруулалтын зардал 1.45 тэрбум ам.доллар буюу 4 тэрбум орчим төгрөгөөр нэмэгдсэн нь төслийн гүйцэтгэлийн явцад илрүүлсэн геотехникийн асуудлаас шалтгаалаагүй байна гэж үзсэн. 

 Хөндлөнгийн шинжээчдийн дүгнэлт болон Рио Тинто компанийн өгч буй тайлбарууд яагаад зөрүүтэй байгаа талаар албан ёсны тайлбарыг Монгол Улсын Засгийн газар Рио Тинто компаниас шаардахаа илэрхийлсэн.

Түүнчлэн Монгол Улсын Засгийн газар бүтээн байгуулалтын зардал ихээр нэмэгдсэн ТЭЗҮ-ийг хүлээн зөвшөөрөхгүй гэдгийг албан ёсоор мэдэгдсэн билээ.


Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна