М.Тулгат: АН эрх чөлөөний төлөө дуугарч чаддаг гэдгийг харуулсан жагсаал хийнэ

Ардчилсан намаас "Одоо боллоо" бүх нийтийн цуглааны талаар мэдээлэл хийлээ. АН аравдугаар сарын 1-нд "Одоо боллоо" бүх нийтийн цуглааныг Сүхбаатарын талбайд зохион байгуулна.

Энэ талаар УИХ-ын гишүүн Б.Пүрэвдорж  хэлэхдээ "Манай улс цар тахлын эсрэг ДНБ-ий 60 хувьтай тэнцэх хэмжээний мөнгө зарцуулсан ч харамсалтай нь нас баралт, тохиолдлоороо дээгүүрт орж байгаа. ААН-үүдийн үйл ажиллагааг хааж, бизнесийн эрх чөлөөг боомилж байна.Тиймээс жижиг дунд бизнес эрхлэгчид, үйлчилгээний салбарт ажиллаж байгаа бүх хүмүүс цуглаанд ирж, үзэл бодлоо илэрхийлэхийг урьж байна.

АН-ын дарга М.Тулгат "Хөрш орнуудтай дипломат харилцаа явуулж чадахгүй байгаа Элчин сайд, дипломат албаны ажилчдад хариуцлага тооцох, цар тахлын хууль нэрээр төсвийг хяналтгүй байлгах асуудлыг зогсоож, энэ хуулийг нэн даруй цуцлах шаардлагыг хүргүүлсэн. Халдвар хамгааллын дэглэмээ сахиж, масктай ч гэсэн эрх чөлөөний төлөө дуугарч чаддаг юм гэдгээ харуулна" гэсэн юм.