Сүүлийн жилүүдэд төрөлт залуужиж байгааг холбогдох албаныхан хэлж байна. Залуужих залуужихдаа насанд хүрээгүй хүүхдүүд ээж болж байна. Тодруулбал, өсвөр насныхан бэлгийн боловсролгүй, эцэг эх нь энэ талаар ярилцдаггүйгээс болж 18 хүрээгүй байхдаа ээж болох тохиолдол огцом өсчээ.
Улсын хэмжээнд 18 нас хүрээгүй 5000 ээж хүүхдийн мөнгө авч байна. Хүүхдийн мөнгийг халамжаас хуримтлал руу шилжүүлэх бодлогын хүрээнд 2022 оны нэгдүгээр сарын 1-ээс долдугаар сарын 1 хүртэл сонголттойгоор олгохоор ирэх оны төсвийн төсөлд тусгажээ. Өөрөөр хэлбэл, хүүхдийн мөнгөө 100 мянган төгрөг хүртэл авч хэрэглэж болно эсвэл хувааж хуримтлуулж болно. Харин 2022 оны долоодугаар сараас 50 хувь нь хадгаламж руу шууд шилжиж ,үлдсэн хувийг нь сонголттой олгох юм.
Сэтгэгдэл (0)
Сэтгэгдэл бичигдээгүй байна