Өчигдөр Сонгуулийн ерөнхий хорооны дарга Ч.Содномцэрэн Колумб Улсаас манай улсад суугаа элчин сайд ноён Тито Саул Пинилла Пиннилагийн хүсэлтээр уулзсан байна. Уулзалтын үеэр элчин сайд өөрийн орныхоо нөхцөл байдал, сонгуулийн үйл ажиллагааныхаа талаар танилцуулжээ. Колумб улсын сонгуулийн үйл ажиллагаа автомат чиглэл рүү явж байгаа бөгөөд энэ талаар анхаарч байгаа аж. Энэ хүрээнд Элчин сайд манай улсын ерөнхийлөгчийн сонгуулийг ажиглах хүсэлтээ гардуулсан бөгөөд автомат систем ашиглаж байгаа манай улсын туршлагыг үнэлэхийн дээр харилцан туршлага солилцох тухайгаа СЕХ-ны даргад уламжилсан байна. Мөн ирэх оны 4дүгээр сард болох Колумбын Ерөнхийлөгчийн сонгуулийг ажиглах урилгыг Сонгуулийн Ерөнхий хорооны даргад гардуулсан байна.
Сэтгэгдэл (0)
Сэтгэгдэл бичигдээгүй байна