"Эрчис ойл" төрийн өмчит хязгаарлагдмал компани "Роснефть" хоёр хамтарсан шатахууны өөртөө үйлчлэх цэг байгуулаад улмаар Роснефтээс Хөшгийн онгоцны буудлын онгоцны шатахууныг нийлүүлэх хүсэлт Оросын талаас тавьсан мэдээлэл байна. Уг асуудал удахгүй шийдэгдвэл үүн дээр Сод Монголын эзэн УИХ-ын гишүүн Ц.Анандбазар орж ирэх өндөр сонирхолтой байгаа учраас шатахуун импортлогч нар зориуд шатахууны хомсдол бий болгож байхыг үгүйсгэхгүй юм. Энэ тухай ч УУХҮ-ийн сайд Г.Ёндон цухуйлгаж, тэрбээр улстөрчид оролцоотой эсэхийг Тагнуулын ерөнхий газар шалгаж тогтооно гэдгийг мэдэгдсэн. Д.Анандбазарын дээрх сонирхлыг гүйцэдүүлэх ажлыг Ерөнхийлөгчийн Тамгын газрын дарга асан З.Энхболд гардан хийж буй. Тэрбээр энэ асуудлаар саяхан ОХУ-руу явж “Реснефть” компанийхантай уулзсан гэх мэдээлэл байна. Тиймдээ ч өчигдөр Сод монгол ХХК-ийн гүйцэтгэх захирлын тушаалаар АИ-92 шатахууны ачилтыг хязгаарлах тухай чиглэлийг өгсөн байдаг. Уг тушаалын албан бичиг олон нийтийн сүлжээнд тархсны дараа иргэд шатахуунд очерлож, асуудал "өндрөө" авсан тул Сод монгол ХХК дээрх мэдээллээ үгүйсгэж, бензин шатахууны түгээлтэндээ ямар нэгэн хэмжээ тогтоогоогүй, хэвийн горимоор түгээн борлуулж байгаа болохоо мэдэгдсэн.
Түүнчлэн “Чайна ойл”-оос Шунхлай, Петровис хоёр шууд гэрээ хийж шатахуунаа авдаг. Тус хоёр шатахуун импортлогчид МТ, Сод монгол ХХК-д шатахуунаа хуваах гэрээтэй ажилладаг гэсэн үг. Гэвч тэдэнд бага хэмжээгээр олгодог гэсэн мэдээлэл бий. Тиймдээ ч Сод Монголын эзэн УИХ-ын гишүүн Ц.Анандбазар болон шатахуун импортлогчид шатахууны хомсдол зориуд бий болгож, Засгийн газарт шахалт өгч байхыг үгүйсгэхгүй юм.
Сэтгэгдэл (0)
Сэтгэгдэл бичигдээгүй байна