2021/11/30
USD 2,811

БШУЯ-ны ТНБД Д.Батбаатарыг чөлөөлжээ

Ш.АДЪЯАМАА
2021/10/06

Засгийн газрын хуралдаанаар өнөөдөр /2021.10.06/ Боловсрол, шинжлэх ухааны яамны Төрийн нарийн бичгийн дарга Д.Батбаатарыг өөрийнх нь хүсэлтээр ажлаас нь чөлөөлсөн гэж ЗГХЭГ-ын дарга Ц.Нямдорж мэдээлэв. 

Түүнийг өнгөрсөн оны наймдугаар сарын 5-ны өдрийн хуралдаанаар тус албан тушаалд томилж байсан юм.

Д.Батбаатар 1964 онд төрсөн. Улсад 32 жил ажилласан. 1981 онд Нийслэлийн 48 дугаар сургууль, 1986 онд Монгол Улсын Их Сургууль, 2020 онд Холбооны Бүгд Найрамдах Герман Улсын Захиргааны дээд сургуулийг тус тус төгссөн. Хуульч мэргэжилтэй. Төрийн удирдлагын магистр зэрэгтэй.

1986-1989 онд Архангай аймгийн АДХ-ын гүйцэтгэх захиргааны Хуулийн хэлтэст ахлах зөвлөх,

1989-1990 онд Налайх дүүргийн АДХ-ын гүйцэтгэх захиргааны Зохион зааварлах хэлтэст зохион байгуулагч,

1990-1992 онд Улсын Бага Хурлын Тамгын газарт зөвлөх,

1992-1996 онд Улсын Их Хурлын гишүүн,

1996-1998 онд Төрийн захиргаа, удирдлагын хөгжлийн институтийн багш,

2000-2001 онд Улсын Их Хурлын даргын зөвлөх,

2001-2002 онд УИХ-ын Тамгын газрын Ерөнхий нарийн бичгийн дарга,

2002-2008 онд Улсын Мэргэжлийн Хяналтын газрын дарга,

2008-2010 онд Монгол Улсын Ерөнхий сайдын зөвлөх,

2010-2011 онд Өмнөговь аймаг дахь Засгийн газрын бүрэн эрхт төлөөлөгч,

2011-2013 онд “Эрдэнэс Оюутолгой” ХХК-ийн захирал,

2013-2014 онд УИХ дахь МАН-ын бүлгийн ажлын албаны дарга

2014-2015 онд Монгол Улсын Шадар сайдын ажлын албаны дарга

2015-2020 онд Монголын хөдөлмөрийн аюулгүй ажиллагаа, эрүүл ахуй, байгаль орчны нийгэмлэгийн ерөнхийлөгч,

2016-2020 онд “Мошеа Эко” ХХК-ийн захирал,

2017 оноос МАН-ын Хяналтын ерөнхий хорооны даргаар ажиллаж ирсэн төрийн албаны туршлагатай юм.


Сэтгэгдэл (2)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.9.46.141
Гайгүй залуу
Хариулах
202.126.94.99
Боловсролын яаманд ажлаа мэдэх хунгуй, хоорондоо эв нэгдэлгуй, естой утгагуй яам боллоо!!! Ажилд саад тотгор болсон ийм яам хэрэгтэй юу?!!!
Хариулах