2021/12/03
USD 2,811

С.Амарсайхан​: Монгол Улсад мөрдөгдөж буй 6000 гаруй стандартын 60 хувийг нь хүчингүй болгоно

Ш.АДЪЯАМАА
2021/11/26

“Ган Үзэгтэн” ХХК-ийн Zarig.mn видео сайт нийгмийн хариуцлагынхаа хүрээнд  “Заригийн дугтуй” эвентийг 2021 оны арваннэгдүгээр сарын 25-ны өдөр буюу өчигдөр /2021.11.25/ амжилттай зохион байгууллаа. Уг арга хэмжээнд УИХ-ын гишүүд, яам, агентлаг, нийслэлийн удирдлагууд, аж ахуйн нэгжийн төлөөлөл бүхий нийт 99 зочин урилгаар оролцож, салбар салбартаа тулгарч буй асуудлуудыг нээлттэй, илэн далангүй ярилцгаасан юм. Тодруулбал, иргэд, ААН-үүдэд хамгийн их хүндрэл, чирэгдэл дагуулдаг зөвшөөрөл, тусгай зөвшөөрлийн асуудлыг хөндөж, бизнесийн орчинд ямар стандартууд тээг болдог талаар үүнийг төр хэрхэн засч, сайжруулах вэ гэдэгт хариулт, шийдэл олоход “Заригийн дугтуй” эвентийн гол зорилго оршлоо.

Өнөөдөр Монгол Улсад мөрдөгдөж буй 6000 гаруй стандарт бий. Үүний 70-80 хувь нь үндсэндээ социализмийн буюу өнгөрсөн үеийн стандартууд мөрдөгддөг. Тэгвэл эдгээр 6000 гаруй стандартын 60  хувийг нь хүчингүй болгож шинэчлэх талаар анх удаа  Шадар сайд С.Амарсайхан “Заригийн дугтуй” эвентийн нээлтэд хэлсэн үгэндээ онцоллоо.

 Шадар сайд С.Амарсайхан:6000 гаруй стандартын 60 орчим хувийг нь хүчингүй болгож, шинэчилнэ

Тэрбээр энэ тухай хэлэхдээ “Стандарт бол цаг, мөнгө хэмнэдэг хөгжлийн хэмжүүр байх ёстой. Түүнээс биш ажил, амьдралын садаа байх ёсгүй. Өнөөдөр стандарт сайн, сайхан зүйлийн хэмжүүр гэхээсээ илүүтэй хөгжил дэвшлийн садаа болох нь  илүүтэй давамгайлж байгаа. Нэг хэв маягийн хэмнэлд орчихсон, Үүнийг дорвитой бөгөөд хурдтай өөрчлөх шаардлагыг тавьж ажиллаж байна. Ирэх хагас жилийн дотор өнөөдөр мөрдөгдөж буй 6000 гаруй стандартын 60 орчим хувийг нь хүчингүй болгож, шинэчилнэ. Жишээ нь зөвхөн эрүүл мэндийн салбарт 640 орчим стандарт мөрдөгдөж байна. Эмнэлгийн яаралтай түргэн тусламжийн үйлчилгээг иргэн бүр авдаг. Гэтэл өнөөдөр цөөхөн хэдэн эмнэлэгт наад захын стандарт мөрдөгддөг.Хүний амь нас минут, секундээр хэмжигдэж байхад хүлээн авах дээр өчнөөн юм асууж стори бичээд суудаг. Тиймээс энэ бүхнийг өөрчилж, хамгийн чухал салбараасаа стандартын шинэчлэлтийг эхлүүлнэ.

Мөн Мэргэжлийн хяналтын байгууллагын шаардлага, стандартууд хөгжлийн гацаа байж болохгүй. Хүнд суртал, дааж, давшгүй шаардлагууд иргэдийн ажил амьдралд саад болдог байж болохгүй. Мэргэжлийн хяналтын байгууллагын зарим чиг үүргийг мэргэжлийн холбоод, ТББ нь эрхэлдэг байх тэр чиглэл рүү орно. Салбараа хамгийн сайн мэдэх хүмүүст нь хариуцуулна. Жишээ нь талх, чихрийн үйлдвэрт ажилладаг хүн л тэр салбарын стандартыг хамгийн сайн мэднэ. Салбаруудын мэргэжилтнүүдийн оролцоотойгоор стандартыг мөрдүүлдэг болно” гэлээ.

БОАЖЯ-наас олгодог 19 төрлийн 22 тусгай зөвшөөрлийн зургааг нь бүрэн цахимд шилжүүлнэ  

БОАЖЯ-ны хувьд ААН-үүдэд 19 төрлийн 22 тусгай зөвшөөрөл олгодог. Өнгөрсөн оны арванхоёрдугаар сараас эхлэн байгаль орчинд нөлөөлөх байдлын ерөнхий үнэлгээг цахимаар авч эхэлсэн. Ингэснээр 1000 гаруй иргэн, ААН-ийн материалыг цахимаар авч шийдвэрлэжээ. Мөн химийн аюултай бодисыг хадгалах, тээвэрлэхтэй холбоотой зөвшөөрлийг цахим руу шилжүүлэхээр төлөвлөж буй. Үндсэндээ ирэх онд багтаан дээрх 19 төрлийн 22 тусгай зөвшөөрлийн зургааг нь бүрэн цахимд шилжүүлнэ гэж БОАЖ-ын сайд Н.Уртнасан хэлэв. 

Тэрбээр “Тусгай зөвшөөрөлтэй холбоотой гомдол иргэд болон ААН-үүдээс хамгийн их гардаг. Төрийн үйлчилгээг иргэдэд нээлттэй болгох чиглэлд манай яам зорьж ажиллаж байна.Цаашдаа ан агнуур, ой, ургамлын тусгай зөвшөөрөл болон бусад тусгай зөвшөөрлүүдийг үе шаттайгаар цахим руу шилжүүлэхээр ажиллаж байна. Намар бүр анхаарал татдаг самрын экспортын зөвшөөрлийг эргэн харж, нөхцөл шаардлагуудаа тодорхой болгож  нийтэд нээлттэй шилэн болгоно. Самрын экспортыг хязгаарлагдмал цөөн тооны ААН-үүдэд олгодог байдлыг хална. Үндсэндээ экспортын зөвшөөрлийн үндсэн шалгуур үзүүлэлтүүдийг шилэн болгохоор ажиллаж байна. Мөн газар эзэмших эрхийн хугацаа сунгах зөвшөөрлийг цахимд шилжүүлэхээр бэлэн болсон” гэлээ.

 Эрүүл мэндийн сайд С.Энхболд:Ирэх онд эрүүл мэндийн салбарт цахим шилжилтийг эрчимжүүлнэ

Эм, эмнэлгийн хэрэгслийн хяналт, зохицуулалтын газар шинээр байгуулагдсанаар эрүүл мэндийн салбарт хэрэглэгдэж буй эм, эмнэлгийн хэрэгсэлд хатуу хяналттай болсон. Сүүлийн хоёр жилийн хугацаанд цар тахалтай нүүр тулсан нь бид ажил үйлчилгээгээ цахим руу шилжүүлэхээс  өөр аргагүйд хүрлээ. Эрүүл мэндийн салбарын зарим зөвшөөрөл, эмнэлгийн магадалгаа цахимд шилжсэн. Ирэх онд эрүүл мэндийн салбарт цахим шилжилтийг эрчимжүүлж, тусгай зөвшөөрлүүд цахимд шилжиж, шилэн болно.  

Бизнес эрхлэгчдийг төлөөлж “Өгөөж чихэр боов” ХХК-ын Ерөнхий захирал С.Түмэнгэрэл: Өнөөдөр нэг бизнес эрхлэгч Монгол Улсын зургаан иргэний амьдралыг үүрч явна

-Монгол Улсад өнөөдөр хангалттай олон стандарт бий. Харамсалтай нь мөрдөгддөг стандарт гэж байхгүй. Хоёрдугаарт, өнөөдөр Монголд нэмээд дабль стандарт гэгч бий болчихсон. Үүнд иргэд, бизнес эрхлэгчид бухимддаг. Хэрэгтэй, хэрэггүй стандартууд их байна. Дүрэм,журам гээд төрийн шаардах юм  нь олон болох тусмаа төрийн албан хаагчид нь нэмэгдэж нөгөө талд нь бизнес эрхлэгчид ядардаг. Өнөөдөр нэг бизнес эрхлэгч Монгол Улсын зургаан иргэний амьдралыг үүрч явна. Энэ тоо найм болбол дийлэхгүй болно шүү. Энэ бүхнийг өөрчлөх цаг нь болсон. 20 жил бизнес эрхлэж жаргал, зовлонг нь туулчихсан бидний хувьд ямар ч нөхцөлд амьдарч чадах дархлаатай болчихсон. Харин дөнгөж эхэлж байгаа бизнес эрхлэгчдэд хүнд нийгэм шүү. 

“Зариг” сайтын Ерөнхий эрхлэгч Н.Өнөрцэцэг: Шударгаар татвар төлдөг, ажил олгогч бизнесийнхэнийгээ төрийн дарамтаас өмөөрч дуугарна

“Ган Үзэгтэн” ХХК-ийн  zarig.mn видео сайт 2022 оны нэгдүгээр сараас эхлэн он дуустал, долоо хоног бүр “Заригийн дугтуй” нэртэй 15 минутын контентыг 48 дугаар бэлтгэн хүргэхээр төлөвлөөд байгаа аж. Мэдээ, мэдээллийг газар дээрээс нь шууд, шуурхай, эвлүүлэггүй хүргэдэг тодотголтой “Зариг” сайтын Ерөнхий эрхлэгч Н.Өнөрцэцэг цаашид баялаг бүтээгчид, шударгаар татвараа төлдөг бизнес эрхлэгчдээ  дэмжиж, энэ орчинд ажиллах хууль эрх зүйн орчныг нь сайжруулахад бизнес эрхлэгчидтэйгээ хамтарч ажиллахаа илэрхийлсэн юм.

 


Сэтгэгдэл (17)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.183.152
Ёо ёомэнэ мангар саадууд гүриыгээд байгаад бхых юм бхых даа. Бүгд худалч. Үнэхээр чадваргүй.
Хариулах
202.21.109.33
Хэд нь стандарт хүчингүй болгоно гээд бас хичнээн тэрбумын зардал бидний татвараас гарах бол
Хариулах
150.129.140.7
Стандартын эргэн тойронд янз бүрийн үзэл.хандлагууд байгаа юм байна.Стандартыг шинэчилж сайжруулах нь зөв .Зохион байгуулалттайгаар салбарын лидер мэргэжилтнүүд оролцсон багууд салбартаа буй бүх стандартад үзлэг хийж, шинэчлэх, хэрэглэх боломжтой, хүчингүй болгох тухай асуудлаар дүгнэлт гаргаж Стандаот хэмжил зүйн байгууллагын холбогдох техникийн хороогоор хэлэлцүүлж, үндэсний зөвлөлөөр шийдвэрлүүлэх учиртай. Түүнээс биш хэн нэг эрх мэдэлтэн 3, 4000 нь хүчингүй болгодог юм байхгүй ээ. Тэгээд ч стандарт бол дэлхийн хөгжлийн түлхүүр гэдгийг дэлхий,, соёлт хүн төрөлхтөн хүлээн зөвшөөрдөг юм шүү. Стандарт нь хэрэглэгч биднийхээ эрх ашгийг хамгаалж байдаг. Бизнесменүүд стандартаар тогтоосон шаардлагыг эсэргүүцэж, хэрэглэгчийн эрхийг үл хүндэтгэн, зүй бус хандлагаар хүчингүй болгох шаардлагыг тулгаж болохгүй.
Хариулах
150.129.143.48
Хүчингүй болгохуу,эсхүл шуурхай болгож хэрэгжилтийг хануулахуу
Хариулах
202.126.90.90
115.51-д Дэлхийн 7 тэрбум хүн бүгдээрээ чамаас дор тэнэг байх уу. Дэлхийн 200 улс бүгдээрээ монголоос дор тэнэг байх уу.
Хариулах
202.21.108.37
мэргэшсэн жолооч гэж балай юм бна
Хариулах
66.181.191.9
уок хуралдуулаач ДЭМБ аас мэдээлэл авч эртнээс арга хэмжээ авмаар байн шүү африкт хэцүү л байна гээд гадаад мэдээгээр анхааруулаад бн шүү
Хариулах
203.91.115.51
za bitii shaa standard neriidleer busdiig deeremdeg 1 gar bha chi
Хариулах
202.126.89.93
Дүрэмгүй журамгүй стандартгүй нэг ширхэг ч юм энэ дэлхийд монголоос бусад газар байдаггүй юм. Аиерик Англи Австрал герман канад зэрэг улс орнуудад хүний нийгмийн алхам бүрийг хэл яриаг бүх зүйлийг дүрэм журам хуулиар хатуу зохицуулсан байдаг. Хяналтаа алдвал үхэл гэсэн үндсэн зарчим энэ дэлхийд үйлчилж байна. Монгол ганцаараа энэ дэлхийн улс орнуудын нийгмийн амьдралын эсрэг яваад байна. Сөнөх зам руугаа явж байна.
Хариулах
122.201.22.58
Нохойн гөлөг минь өөртөө зориулж ажил хийхгүй шүү.Чи бол монголын улс төрөөс хол явах хулгайчийн нэг шүү.
Хариулах
66.181.161.74
Авто тээвэрийн эх адаггүй амьдралаас тасарцан улс эх ороны эсрэг муусайн стандартаа бүгдийг нь авч хая аа
Хариулах
202.9.46.32
Байгаль орчны сайдаа 17н чиглэлийн 72 тусгай зөвшөөрөл байдаг санагдах юм!!!
Хариулах
202.9.46.32
Байгаль орчны сайдаа цахимд шилжих юм байна шмлжихгүй юм гэж бас байна!!! Химийн Батжаргал хэмээх эрхэм өөрөөсөө зугтаалгах үүднээс химийн зөвшөөрлийг цахимд оруулж!!! Үндэсний аюулгүй байдалтай холбоотой ангилал зүйг ялгаж салгадаг нарийн зүйл шүү!!!
Хариулах
202.9.46.32
Стандартыг шинэчлэнэ гэж ойлголоо эсвэл хүчингүй болгоод дураар нь тонгочуулах уу?
Хариулах
202.179.26.154
60 хувийг нь хүчингүй болгоод шинэчлэх юм бн. Нэг гээр хэлбэл улам чангарана гэсэн санаа. Хүмүүс ойлгохдоо устаж үгүй болно гэж ойлгоод байна. Харин энэ олон хуулиудаа цөөлөх ёстой. Нэг агентлаг 5 хэлтэстэй, хэлтэс болгон хуультай гээд боддоо. Тэр хуулиуд нь ажил явуулхаасаа илүүтэй бие биенээсээ илүү гарах, нэгнийхээ хийх ажлыг булаах үндсэн чиг үүрэгтэй. Ийм хуулиар бид яах юм.
Хариулах
64.119.22.249
Стандарт мөрддөггүй болгоно гэдгийг ойлгодоггүй ээ
Хариулах
202.126.94.99
Мэргэжлийн судлаач, эрдэмтэдээс л асуудаа. Бид ур дунгуй их ярьж байна, толгой хоосон болохоор ам нь л ажиллаад байнадаа!!!
Хариулах