Нийслэлийн засаг даргын шийдвэрээс давсан анхан дунд шатны дарамт байсаар байна

Ц.Цэрэнбадам

Өчигдөр

Манай улс ОУ-ын өмнө хүлээсэн үүргийн дагуу 2030 он гэхэд нийт хог хаягдлынхаа 40 хувийг боловсруулах ёстой. Гэтэл өнөөдөр ердөө 3,3 хувийг боловсруулж байна. Нийслэлийн хэмжээнд 150 дахивар нөөцийн цэг байдаг ч энэ нь төдийлөн хангалгүй гэж байна. Гэтэл дахивар нөөц бүрдүүлэх чиглэлд дунд доод шатны дарамт байсаар байна.

Хог хаягдлыг энгийн болон аюултай гэсэн хоёр ангилалдаг. Өнөөдөр улсын хэмжээнд хог хаягдал дахин боловсруулах энгийн 42, аюултай хог хаягдал боловсруулах 12 үйлдвэр зөвшөөрөл авчээ. Үндсэндээ 54 үйлдвэр бүргэлтэйбайгаагийн ердөө 30 нь ажилладаг гэж байна. Цаашид хог хаягдлыг дахин боловсруулах үйлдвэрүүдийн үр өгөөжийг нэмэгдүүлэх зайлшгүй шаардлага бий. Хог хаягдал дахин боловсруулах үйлдвэрүүдийн тухайд түүхий эдийн ханган нийлүүлэлт нэн тэргүүний асуудал. Зөвхөн нийслэлийн тухайд 150 дахвар нөөцийн цэгээр түүхий эд төвлөрүүлэлт хийдэг. Эдгээр цэгүүд өмнө
нь хороо, дүүрэг гэх мэт байгууллагуудтай гэрээ хийж үйл ажиллагаа явуулах эрх нь баталгааждаг байсан. Одоо нийслэлийн засаг даргын шийдвэрийн хүрээнд хэн нэгэн даргын гарын үсэг шаардахгүй үйл ажиллагаа явуулах эрхтэй болсон. Гэхдээ засаг даргын шийдвэрээс давсан дунд шатны
дарамт байсаар байна.

Улсын хэмжээнд жилдээ 3 сая 300 мянган тонн хог хаягдал гардаг гэсэн тооцоолол бий. Өөрөөр хэлбэл 1 хүн жилд 1 тонн хог хаядаг гэсэн үг болж таарч байна. Эдгээр хог хаягдлын дийлэнх нь газрын хөрсөнд булагдаж байна. Манай улс ОУ-ын өмнө гэрээгээр хүлээсэн үүргийн дагуу 2030 он гэхэд нийт хог хаягдлынхаа 40 хувийг боловсруулна гэж Үндэсний хог хаягдлын менежментийн төлөвлөгөөндөө тусгажээ. Гэтэл өнөөдөр улсын хэмжээнд нийт хог хаягдлын ердөө 3,3 хувь, нийслэлд 8,9 хувийг л дахин боловсруулалтад оруулдаг гэж мэргэжлийн холбооны удирдлага хэлж байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ