Монголбанкны Мөнгөний бодлогын хороо өнөөдөр ээлжит бусаар хуралдаж мөнгөний бодлогыг хүүг огцом өсгөх шийдвэр гаргалаа. Хоёрдугаар сарын статистик дүнгээр инфляц улсын хэмжээнд 14.2, нийслэлд 15.5 хувьд хүрсэн. Иймд бодлогын хүүг одоо байгаа 6.5 хувиас өсгөж, 9 хувьд хүргэлээ.
Энэ сарын 22-нд болсон хэвлэлийн хурлаар Монголбанкны Ерөнхийлөгч Б.Лхагвасүрэн “Миний хувийн байр суурь бол бодлогын хүүг алгуур буюу 0.5 хувиар өсгөх нь зөв. Ковидын дараа эдийн засаг эргээд сэргэж байгаа тул бодлогын хүүг огцом өсгөвөл зээл олголт удааширна, эдийн засгийн өсөлтийг хязгаарлана. Иймд алгуур өсгөх нь зөв гэж мэдэгдэж байсан удаатай. Харин өнөөдөр гаргаж байгаа шийдвэр нь үүссэн нөхцөл байдлаас хамаарч эрсдэлээ бууруулах, төгрөгийн ханшийн уналтыг саармагжуулах үүднээс дээрх шийдвэрийг гаргасан" гэлээ.
Сэтгэгдэл (0)
Сэтгэгдэл бичигдээгүй байна