Монголбанк хамгийн сүүлд тооцоолол гаргахдаа эдийн засгийн өсөлтийг энэ онд 5% байна гэж урьдчилж харж байсан. Гэвч өнөөдөр төсөөллөө бууруулж, эдийн засгийн өсөлтийн суурь утга 2.6% байх болов уу гэсэн төсөөллийг боловсруулж гаргасныг танилцууллаа.
Монголбанкны ерөнхий эдийн засагч Д.Ган-Очир хэлэхдээ
"Импортын орцуудыг ашигладаг салбаруудын үйлдвэрлэл өмнөх жилээсээ нэлээд саарах хандлага байна.Мөн уул уурхайн салбарт экспорт саарч байгаагаас гадна олборлолт багасаж байгаа. Үүн дотроо Оюутолгойн алтны агуулга геологийн бүтцээрээ өмнөх жилтэй харьцуулахад энэ жил буурах нь гэдэг тооцоололтой байгаа. Энэ нь үйлдвэрлэл дээр сөрөг болж орж ирдэг. Импортын өсөлт идэвхжиж байгаа зэрэг нь сөрөг нөлөөлөхөөр байгаа тул төсөөллөө ийнхүү буурууллаа" гэлээ.
Сэтгэгдэл (0)
Сэтгэгдэл бичигдээгүй байна