Б.Батцэцэг: Монгол Улсад биологийн лаборатори байгуулах гэж байна гэдэг мэдээлэл бодит байдалд нийцэхгүй

ОХУ, БНХАУ-ын хэвлэл мэдээллийн хэрэгслээр гарч байгаа шиг Монгол улсад биологийн лаборатори байгуулах гэж байна гэх нийтлэлүүд үнэн бодит байдалд нийцэхгүй. Монгол улсын гадаад бодлого энхийг эрхэмлэсэн зарчмыг баримталж байгаа. Цаашид бид олон улсын зохих шинжилгээ дүгнэлт хийдэг байгууллагуудад хандахад бэлэн байна. Мөн улсын хэмжээнд хийгдэж байгаа гадны төсөл хөтөлбөрүүдийг нарийвчлан гаргахаар ажиллана гэдгийг гадаад харилцааны сайд мэдээллээ. Энэ асуудлаар үнэн бодит мэдээллийг шуурхай цуглуулж ҮАБЗ-д танилцуулах чиглэл өгчээ. Зэвсэгт мөргөлдөөн эхэлсэн цагаас хойш дэлхий даяар хэвлэлийн дайн эрчимтэй явагдаж байгаатай холбоотой энэ төрлийн хардалт гарч байгааг салбар хариуцсан сайд хэлж байна.