Говь-алтай аймагт хүчтэй шороон шуурга шуурсны улмаас өндөр хүчдэлийн гурван шон хугарч, байшингийн дээвэр хууларчээ

Говь-Алтай аймгийн Төгрөг суманд хүчтэй шороон шуурга шуурч гэр нурахаас гадна байшингийн дээвэр хууларч, хэд хэдэн гэрлийн шон хугарч унажээ.  Тодруулбал, энэ сарын 24-ны өдрийн 15:30 цагийн үед 22-25 метр секунд хүртэл хүчтэй шороон шуурга шуурсны улмаас сумын Засаг даргын Тамгын газрын өвсний агуулахын дээвэр, бага, дунд хоёр сургуулийн дээвэр хууларсан байна.

Мөн дөрвөн айлын гэр, зургаан айлын байшин, дэлгүүр, цайны газрын  дээвэр хууларч, өндөр хүчдэлийн гурван шон хугарсан талаар Онцгой байдлын ерөнхий газараас мэдээллээ.