Улсын хэмжээнд мөрдөх хөдөлмөрийн хөлсний доод хэмжээг 2023 оны 1 дүгээр сарын 1-ний өдрөөс эхлэн нэг цагт 3273 төгрөг 81 мөнгө буюу сард 550 мянган төгрөг болгож нэмэгдүүлэхээр Үндэсний хорооноос тогтоолоо.
Ингэснээр хөдөлмөрийн хөлсний доод хэмжээ 420 мянган төгрөг байсныг 31 хувь буюу 130 мянган төгрөгөөр нэмэгдүүлж байгаа юм. Түүнчлэн өнөөдрийн хурлаар ХХДХ-г хоёр жилийн турш буюу 2023-2024 онуудад зөвхөн 500 мянган төгрөгт хүргэх саналыг ажил олгогч болон Засгийн газраас гаргаж байсан ч МҮЭ-ийн холбооноос хөдөлмөрийн хөлсний доод хэмжээг 2023 оны 1 дүгээр сарын 1-нээс 600 мянган төгрөгт хүргэх, 2024 онд дахин нэмэгдүүлэх, ингэхдээ 2023 оны нэгдүгээр улиралд багтаан хэлэлцэж шинэчлэн тогтоох саналыг оруулсан ба удтал мэтгэлцсэний эцэст МҮЭ-ийн холбооны саналыг хэлэлцэж түншлэгч талуудын олонхын саналаар ХХДХ-г 550 мянган төгрөг байхаар баталсан байна.
Сэтгэгдэл (0)
Сэтгэгдэл бичигдээгүй байна