БОАЖЯ-ны удирдах албан тушаалтан хийж гүйцэтгээгүй ажилд хуурамч баримт үйлдэн санхүүжилт олгуулжээ

Байгаль орчин, аялал жуулчлалын яамны Төрийн захиргааны удирдлагын газрын удирдах албан тушаалтан “Р” нь бусадтай бүлэглэн хуурамч бичиг баримт үйлдэн улсад хохирол учруулжээ. Тодруулбал “Р” нь  “Ажил гүйцэтгэх гэрээ”-г үндэслэлгүйгээр байгуулж, тодорхой ажил гүйцэтгээгүй байхад нь  гэрээ дүгнэсэн акт үйлдэн гарын үсэг зурж санхүүжилт олгуулсан байгаа юм.  Улсад хохирол учруулсан уг хэргийг прокурорын байгууллагад шилжүүлэн шалгаж эхэлжээ.  

АТГ өнгөрсөн долоо хоногт 20 гомдол, мэдээлэлд хэрэг бүртгэл нээхээс татгалзах саналтайгаар прокурорт шилжүүлсэн бол одоогоор 82 гомдол, мэдээллийг хянагдан ажиллаж байна.