Ногоон байгууламжийг нэмэгдүүлэх, хүрээлэн буй орчноо хайрлан хамгаалах, ногоон хот, ногоон ирээдүйн төлөө санал санаачилга чухал энэ цаг үед Нийслэлийн Хан-Уул дүүрэгт 35 га газарт Олон Улсын Соёлын цэцэрлэгт хүрээлэн нээлтээ хийлээ.
Энэ хүрээнд төслийн баг, БОАЖЯ, Монголын мод үржүүлэг, цэцэрлэгжүүлэлтийн мэргэжлийн байгууллагуудын нэгдсэн холбоо хамтран Экспо үзэсгэлэн худалдаа зохион байгуулж байна. Экспо хэсэгт зуны турш модны тарьц, суулгацыг худалдах ба зөвхөн дотооддоо тарьж, ургуулсан модлог ургамлыг худалдаалах юм байна.
Нэг га ой мод сөөг нь 18 сая шоо метр агаарыг цэвэршүүлж, утаа униарын 30 - 35 хувийг өөртөө шингээдэг. Харин навчит мод дуу чимээний 25 хувийг замхруулж, тоос шороог 21 - 75 хувь хүртэл өөртөө барьдаг байна.
Нээлтийн ёслолын ажиллагаанд БОАЖ-ын Дэд сайд Г.Түвдэндорж үг хэлэхдээ "Бүх нийтээрээ мод трих үндэсний өдрийн арга хэмжээг тэмдэглэж эхлээд 23 дахь удаагаа хамтдаа мод тарьж байна.
Мөн хот суурин газрын хөгжлийн түвшинг тодорхойлох гол үзүүлэлтийн нэг бол цэцэрлэгт хүрээлэн, ногоон байгууламж бөгөөд Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөний үйл ажиллагааны төлөвлөгөөнд тусгагдсан “Хот, суурин газрын иргэдийн эрүүл, аюулгүй орчинд амьдрах агаар, орчны бохирдлыг бууруулах, ногоон байгууламжийн талбайг нэмэгдүүлэх” ОЛОН УЛСЫН СОЁЛЫН ЦЭЦЭРЛЭГТ ХҮРЭЭЛЭН байгуулагдаж байгаад нийт Монгол улсын иргэд болон нийслэлчүүдийнхээ өмнөөс талархалтай байна.
Нийслэлийн иргэдийн чөлөөт цагаа эрүүл орчинд ая тухтай амьдарч зугаалах, ногоон технологийн шийдэлтэй, Монгол улсын түүх, соёлыг дэлхийд сурталчлан таниулах, гадаад дотоодын жуулчдын зорин очих орон зайг бий болгож, олон улсын хамтын ажиллагааны хүрээнд улс үндэстний түүх, соёл урлаг, экологийн боловсролыг олгох, судалгааны шинжилгээний төв болгохын төлөө тус яамны зүгээс хамтран ажиллахаа илэрхийллээ.
Сэтгэгдэл (0)
Сэтгэгдэл бичигдээгүй байна