УИХ-ын дарга Г.Занданшатар "Өдөр бүр зургаан хуудас уншъя" уриалга дэвшүүллээ

М.Ариунжаргал
2022/05/21

Монгол Улсын Их Хурлын дарга Г.Занданшатарын ивээл дор зохион байгуулагддаг Үндэсний номын баярын нээлтийн ажиллагаа өнөөдөр /2022.05.20/Жанжин Д.Сүхбаатарын талбайд боллоо. 31 дэх удаагийн хаврын номын баяр “Илүү их уншъя” уриатайгаар зохион байгуулагдаж байна. Нээлтийн ажиллагаанд Улсын Их Хурлын гишүүн Д.Сарангэрэл, Б.Саранчимэг, Ж.Сүхбаатар, нийслэлийн Засаг дарга бөгөөд Улаанбаатар хотын захирагч Д.Сумъяабазар, Соёлын яам, Монгол Улсад суугаа дипломат төлөөлөгчийн газрын тэргүүнүүд, Ардын уран зохиолчид, нийтлэлч, номын худалдаа эрхлэгчид, номын хорхойтнууд хүрэлцэн ирсэн байв.

Улсын Их Хурлын дарга Г.Занданшатар хаврын номын баярыг нээж хэлсэн үгэндээ, “Монгол Улсын Их Хурлаас Үндэсний бичиг соёл, номын өдрүүдийг тэмдэглэж байхаар шийдвэрлэж, жил бүрийн тав, есдүгээр сарын гурав дахь долоо хоногийн бямба, ням гарагт тэмдэглэж байхаар хуульчилсан. Хуулийн хэрэгжилтийг хангах, хуулийг сурталчлах тал дээр Улсын Их Хурал онцгой ач холбогдол өгч байна. Төрийн шийдвэрийн дагуу Үндэсний бичиг соёл, номын өдрүүдийг улс орон даяар зохион байгуулж байна. Энэхүү арга хэмжээг зохион байгуулагчид болон хүрэлцэн ирсэн нийт иргэддээ талархсанаа илэрхийлье. Өнөөдрийн арга хэмжээнд гадаадын Элчин сайдууд болон гадны зохиолчдын төлөөлөл оролцож байна. “Үндэсний бичиг соёлын өдөр”, номын баяр нь олон улсын арга хэмжээ болсныг харуулж байна. Түүнчлэн миний бие 2019 оны номын баяр дээр "Өдөр бүр таван хуудас уншъя" уриалгыг дэвшүүлсэн. Тэгвэл өнөөдөр энэ уриалгаа ахиулан "Өдөр бүр зургаан хуудас уншъя” хэмээн уриалж байна" гэлээ.

Өмнөх жилүүдэд "Онцлох ном, "Шилдэг уншигч", "Номын ертөнцийн гавьяатан"-ыг шалгаруулж, Монгол Улсын Их Хурлын даргын нэрэмжит "Мэргэн ном" цомоор шагнадаг байсан юм. Тэгвэл уг арга хэмжээг улам өргөжүүлэх зорилгоор ирэх намрын номын баяраас эхлэн “Номын сайн нөхөр” “Шилдэг уншигч”, “Шилдэг зохиолч”, “Шилдэг номын сан”, “Шилдэг хэвлэлийн газар” шалгаруулах уралдаан зохион байгуулах болсныг УИХ-ын дарга Г.Занданшатар зарлаж, уралдааны болзол журмын анхны төслийг Соёлын дэд сайд М.Батбаярт гардуулан өглөө. 

Нээлтийн ажиллагааны үеэр Улсын Их  Хурлын дарга Г.Занданшатар болон Улсын Их Хурлын гишүүн Б.Саранчимэг, нийслэлийн Засаг дарга Д.Сумъяабазар нар Ардын уран зохиолч, МУСГЗ П.Бадарч, Д.Цоодол, Б.Догмид, Азийн тэргүүн найрагч Д.Урианхай, МУСГЗ Д.Цэнджав нарт хүндэтгэл үзүүлж, гарын бэлэг гардууллаа.

Номын баяр нь унших, бичих, орчуулах, хэвлэн нийтлэх, түгээх үйл ажиллагааг дэмжихээс гадна үндэсний бичиг, соёл, өв, хэв маягийн элементийг сурталчлан таниулдаг, уламжлал, шинэчлэлийг хослуулдаг соёлын цөм үйл ажиллагаа юм. Ном бичигч, зохиолч, яруу найрагч, редактор, эх зохиогч, дизайнер, хэвлэлийн газар, номын дэлгүүр, номын клуб зэрэг номтой холбоотой хувь хүн, албан байгууллагууд оролцох боломжтой байдаг.

Хаврын номын баярт 300 гаруй зохиолч, 200 хэвлэн нийтлэгч, 280 гаруй асарт өөрсдийн уран бүтээлийн дээжээсээ дэлгэн оролцож байна. Номын баяр тавдугаар сарын 21, 22, 23-ны өдрүүдэд Жанжин Д.Сүхбаатарын талбайд гурван өдрийн турш үргэлжилнэ гэж Улсын Их Хурлын Хэвлэл мэдээлэл, олон нийттэй харилцах хэлтсээс мэдээллээ.


0
angry
0
care
0
haha
0
liked
0
love
0
sad
0
wow

Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
213.87.133.245
2022/05/22
0
0
Шилдэг тавтай морилно уу секс болзоо сайт -- http://Hot24.pw
Хариулах
Шинэ мэдээ
Сэрэмжлүүлэг: Голууд үерийн түвшинг 5-25 см даван үерлэж байна 4 цагийн өмнө
Монголын өндөр 10 ууланд богино хугацааны авиралт хийлээ 4 цагийн өмнө
Улаанбаатар-Дархан-Уул чиглэлийн 204.11 км авто замыг 2023 оны аравдугаар сарын 30 гэхэд бүрэн дуусгаж ашиглалтад оруулна 5 цагийн өмнө
Гэсэр сүмээс Хүнсний 1-р дэлгүүр хүртэлх замыг хааж, хучилт хийнэ 5 цагийн өмнө
Түр хорооны даргаар Улсын Их Хурлын гишүүн Г.Ганболдыг сонголоо 6 цагийн өмнө
Үнийн өсөлтийн эсрэг анхаарч ажиллахыг УИХ-ын дарга Г.Занданшатар үүрэг болголоо 6 цагийн өмнө
Л.Оюун-Эрдэнэ: Дарханы замын ажлыг гүйцэтгэгчийг шалгаруулсан албан тушаалтнуудыг АТГ-т өгнө, аудит оруулна 6 цагийн өмнө
Маргааш буюу долдугаар сарын 1-ний өдөр Монгол Улсын Үндсэн хуулийн цэц байгуулагдсан өдөр 7 цагийн өмнө
Зөвшөөрөлгүй байрлуулсан, хуучирч муудсан сурталчилгааны самбарыг буулгана 7 цагийн өмнө
Д.Тогтохсүрэн: Үнийн өсөлтийн асуудлыг бүлгийн хурлаар авч хэлэлцэнэ 7 цагийн өмнө
Түр ирэгч гадаадын иргэний визийн сунгалтын хүсэлтийг цахимаар хүлээн авч байна 8 цагийн өмнө
Ж.Сүхбаатар: Ч.Хүрэлбаатар Хөгжлийн банкны асуудлыг бүтэн хоёр жил дарж нуусан гэмт хэргийн шинжтэй нөхцөл илэрсэн 8 цагийн өмнө
Г.Ёндон: Манайд АИ92 шатахууны үнэ ОХУ-аас ч хямдхан зарагдаж байна 8 цагийн өмнө
ОБЕГ: Сүүлийн нэг сарын хугацаанд усны ослоор 3-14 насны дөрвөн хүүхэд эрсэдлээ 8 цагийн өмнө
УУХҮЯ: Наадмаар шатахууны үнэ нэмэгдэхгүй, нөөц хангалттай бий 9 цагийн өмнө
Ц.Нямдорж: Би улс төр ярьдаг албан тушаалтан биш, цаг нь болохоор ҮХНӨ-ийг ярина 9 цагийн өмнө
ЦЕГ: Сүүлийн хоёр сарын дотор 8 хүүхэд мориноос унаж амиа алдаж, 5 хүүхэд хүнд бэртэж, ухаан ороогүй байна 9 цагийн өмнө
"Бүрдэл Майнинг" ХХК-ийн ус ашиглах зөвшөөрөл, гэрээг цуцалжээ 9 цагийн өмнө
Байгаль орчны төсөлд ажиллах хүсэлтэй сайн дурын ажилтнуудын өргөдлийг ирэх сарын 23-ныг дуустал авна 9 цагийн өмнө
Эрдэнэбүрэнгийн УЦС-ын нөлөөлөлд автсан иргэн бүрт 15.1 сая төгрөг олгоно 9 цагийн өмнө