“Монполимет” групп Монгол Улсын топ 100 ААН-ээр шалгарлаа. Энэ үеэр группийн захирал Ц.Мөнхнасан сэтгэгдлээ хуваалцсан юм. Тэрээр:
“Монгол Улсын топ 100 ААН-ийн нэгээр шалгарсандаа баяртай байна. Монполимет группийн хамгийн чухал үзүүлэлт бол шилдэг нөхөн сэргээгч гэдэг үзүүлэлт юм. Энэ үзүүлэлтээр сүүлийн 20 жил дараалан тэргүүний сэргээгч хамт олноор шалгарч ирсэн.
Бидний түүхийн 30 жилийн хугацааг тоон статистикаас дурдвал, улсын болон орон нутгийн төсөвт 120 тэрбум төгрөгийн татвар хураамж, үндэсний ханган нийлүүлэгч байгууллагуудад 183 тэрбум төгрөг, төрийн өмчит үйлчилгээний байгууллагуудад 100 тэрбум төгрөгийн үйл ажиллагааны орлого тус тус төвлөрүүлсэн байна. Мөн энэ хугацаанд 800 орчим га талбайд байгалийн болон техникийн нөхөн сэргээлтийг хийж гүйцэтгэн 300 гаруй мянган мод тарьж ургуулан ойн төглийг бий болгож, мөн Монгол Улсын анхны хүний гараар бүтсэн цэнгэг устай Тосон нуурыг бүтээн байгуулсан нь цаашид аялал жуулчлалын бүс болгон хөгжүүлэх үндэс суурийг тавьсан.
Харин энэ удаад бид группийн хэмжээнд топоор шалгарлаа. Бид уул уурхайн нэмүү өртөг шингэсэн үйлдвэрлэл эрхэлж байна. Импортыг орлох бүтээгдэхүүн үйлдвэрлэлийг хөгжүүлэх улмаар эдийн засгийг төрөлжүүлэх зорилгоор “Монцемент” цогцолбор үйлдвэр байгуулснаар орон нутагт болон төсөвт төлөх татварын хэмжээ эрс нэмэгдсэн. Энэхүү төсөл нь Монгол Улсдаа анхны хаягдал халуун хийнээс 5мВатт эрчим хүч үйлдвэрлэх WHR технологийг нэвтрүүлсэн нь Европын Сэргээн Босголт Хөгжлийн банкнаас Тогтвортой хөгжлийн шагналыг 2018 онд эх орноосоо анх удаа хүртсэн юм. Мөн 250 ханган нийлүүлэгч ААН-ийг дэмжин ажиллаж, шууд болон шууд бус 2000-аад ажлын байрыг бий болгон ажиллаж байна” гэлээ.
Сэтгэгдэл (0)
Сэтгэгдэл бичигдээгүй байна