Өнөөдөр /2022.05.23/-нд Орон сууц, нийтийн аж ахуйн удирдах газар” ОНӨААТҮГ, Монголын Орон сууц, нийтийн аж ахуйн үйлчилгээний ажилтны ҮЭ-ийн холбоотой хамтран “Ололт амжилтын түлхүүр” ХХК-тай хамтын ажиллагааны “Санамж бичиг”-т гарын үсэг зурлаа.
Хамтын ажиллагааны хүрээнд өнгөрсөн хугацаанд “Ололт амжилтын түлхүүр” сургалтын төвтэй хамтран ХАБЭА-н сарын аяны хүрээнд ISO45001:2018 стандартыг таниулах сургалт, сурталчилгаа, хяналт судалгааг хийх ХАБЭА-н мэргэшсэн 8 аудитор бэлтгээд байгаа билээ. Энэхүү мэргэшсэн аудиторууд салбар төвүүдийн ажилтнуудад үйлдвэрлэлийн осол, мэргэжлээс шалтгаалах өвчин, ХАБЭА-н ISO45001:2018 стандартыг таниулах сургалт, сурталчилгаа, хяналт судалгааг хийх юм.
Энэ үеэр тус газрын дарга Ч.Мэндбаяр, Захиргаа хуулийн хэлтсийн дарга Д.Алтангэрэл, МОСНААҮА-ны ҮЭ-ийн холбооны дарга Б.Жавзандулам, “Ололт амжилтын түлхүүр” ХХК-ийн гүйцэтгэх захирал Б.Батхүү нар хамтын ажиллагааны үндсэн чиглэлүүдийг хэрэгжүүлж ажиллахад анхаарах шаардлагатай байгаа асуудлуудыг хэлэлцэж, ISO45001:2018 стандартын зөвлөн туслах үйлчилгээний үйл явцын ажлын тайлан мэдээлэлтэй танилцаж дүгнэлээ.
Дээрх “Санамж бичиг”-ийн зорилго нь “Баруун түгээх төв”, “Хэрэглэгчдэд үйлчлэх төв-2”, “Хэрэглэгчдэд үйлчлэх төв -10”-д Хөдөлмөрийн эрүүл мэнд, аюулгүй байдлын ISO45001:2018 стандартыг нэвтрүүлэх ажлыг зохион байгуулах, зохион байгуулалтын хүрээнд талуудын оролцоог тодорхойлох, гэрээ хэрэгжих хугацаанд талуудын хамтын ажиллагааг зохицуулахад оршиж буй юм.
Сэтгэгдэл (0)
Сэтгэгдэл бичигдээгүй байна