Өмгөөлөгч Б.Баасанцогт тэргүүтэй хүмүүст холбогдох хэрэг замхрах шатандаа орсны гол шалтгаан “шүүх байгууллага” нь өөрөө болоод байна. Б.Баасанцогт тэргүүтэй нэр бүхий шүүгчид биеэ үнэлэх ажлыг зохион байгуулсан гэх хэргийг Хан-уул дүүргийн эрүүгийн хэргийн анхан шатны шүүх хянан шийдвэрлэхээр удаа дараа хуралдсан ч өнөөдрийг хүртэл ямар нэг шийдвэр гараагүй хойшилсоор байна. Тэгвэл тухайн үед Б.Баасанцогт нартай хамт байсан, зарим хэрэгт холбогдогч нар нь Хан-уул дүүргийн Иргэний хэргийн анхан шатны шүүхийн шүүгч нар юм.
Тиймээс хамт ажилладаг мэргэжил нэгтнээ шоронгийн хаалга татуулахгүйн тулд Хан-уул дүүргийн эрүүгийн хэргийн шүүгчид хаацайлж байх тал бий. Өмгөөлөгч Б.Баасанцогттой хамт Сүхбаатар дүүргийн Эрүүгийн хэргийн анхан шатны шүүхийн шүүгч З.Болдбаатар, Булган аймаг дахь Эрүүгийн хэргийн анхан шатны шүүхийн шүүгч Д.Отгонбаатар, Сүхбаатар, Чингэлтэй, Баянзүрх дүүргийн Эрүүгийн хэргийн анхан шатны шүүхийн шүүгч Х.Идэр нар байсан юм. Тэгвэл тэдэнтэй хамт өдгөө хэрэг нь шалгагдаж байгаа Хан-уул дүүргийн иргэний хэргийн анхан шатны шүүгч байсан нь хэргийг удаашруулах шалтгаан болохыг үгүйсгэхгүй юм.
Шүүх хуулийн хүрээнд шийдвэр гаргах эсэх нь эргэлзээтэй болж байна. Өөрөөр хэлвэл, хууль сахиулах ёстой шүүгчид нь өөрсдөө хуулиа уландаа гишгиж, хуулиас гадуур өөрсдийн үйлдлээ хаацайлан шүүхэд нөлөөлж байж болзошгүй байна.
Эргэн сануулахад Б.Баасанцогттой хамт явсан шүүгч нарт огцруулах, цалинг бууруулах болон сануулах шийтгэл сахилгын шийтгэл оногдуусан юм.
Сэтгэгдэл (0)
Сэтгэгдэл бичигдээгүй байна