Өнгөрсөн долоо хоногийн даваа гарагт БНХАУ-ын төмөр замын корпорацийн Хөх хотын төмөр замын тээврийн асуудал эрхэлсэн орлогч захирал Ван Бин тэргүүтэй 10 гаруй дарга нарыг баривчлан шалгаж байгаа билээ. БНХАУ-ын Амрыг сахиулах хороо буюу Авлигалтай тэмцэх хорооны сэжигтнээр шалгах 5 хоногийн хугацаа дууссан бөгөөд эдгээр баривчилсан этгээдүүдийг суллаагүй байна. Цаашид Хятадын тал уг хэргийг сайтар шалгахаар болж задгай opentop контейнер, түүнийг зөөж тээвэрлэх тавцан вагонуудын зөвшөөрлийг авлига авч олгодог байсан асуудлыг нэг бүрчлэн шалгахаар болжээ.
Монгол Улсын талд 8000 орчим чингэлэг оруулж орхисон, нүүрсний лабораторийн мэдээллийг сольдог байсан, коксжих нүүрсийг эрчим хүчний нүүрс гэж гаальд мэдүүлсэн, зөрчилтэй нүүрсний эзэд зугтааж алга болсон, Коско компанитай үгсэн хуйвалдаж үнэ нэмсэн зэрэг асуудлуудыг шалгаж байгаа аж. Хамгийн ноцтой нь Монгол Улсын хууль хяналтын байгууллагуудаас тодруулах, Монгол Улсын аж ахуйн нэгжүүдийг тойрсон авлигал зуучлах үгсэн хуйвалдах байдал илэрч Монгол Улсын төрийн өндөр албан тушаалтнуудын асуудлаар удахгүй Монгол Улсын талд хандахаар бэлдэж байгаа юм байна.
Тээвэр зуучуудын нэгдсэн байгууллагууд компанийн зохион байгуулалтад орж өрсөлдөөнийг хязгаарласан асуудлаар БНХАУ-ын 70 гаруй компани гомдол гаргаснаар уг шалгалтын ажил эхэлж томоохон баривчилгаа хийгдэж байгаа. Тэгвэл Монгол Улсын зарим сайд нарын нэр дээр гомдол гарж байгаа асуудлыг Ордос хотын прокурор хянаж байгаа юм байна.
Сэтгэгдэл (0)
Сэтгэгдэл бичигдээгүй байна