Одоогоос сар орчмын өмнө 38,4 тэрбум төгрөгийн Эрдэнэт үйлдвэрийн зуны түлшний тендерт Сод Монгол групп ялагч болсон. Тэгвэл Монгол Улсын түлш, шатахууны гол нийлүүлэгч Ангарскийн нефть химийн үйлдвэрийн хүхрийн массын хэмжээнээс өөр байдлаар зарласан тендерийн техникийн тусгай шалгуурын үзүүлэлтийн тоог засч янзалсан, тендерийн материалыг хуурамчаар бүрдүүлсэн байж болзошгүй талаар цахим орчинд мэдээлэл гарч байсан юм.
Улмаар Петровис, Шунхлай компаниуд уг тендерт гомдол гаргаж Сангийн яаманд хандсан байдаг. Уг асуудлыг Сангийн яам ирсэн даруйд шалгаж тендертэй холбоотой цааш хийгдэх гэрээний ажлыг түр зогсоогоод байсан юм. Тэгвэл Эрдэнэт үйлдвэрээс 38,4 тэрбум төгрөгийн зуны түлшний тендерийг цуцалж буйгаа мэдэгдээд дахин тендер зарлахаар зар тавьжээ.
Эрдэнэт үйлдвэрийн Санхүүгийн асуудал эрхэлсэн орлогч захирал Д.Үүрийнтуяа нь 2014-2016 онуудад “Сод Монгол” группийн Орхон аймгийн салбарын эрхлэгчээр ажиллаж байсан бөгөөд Эрдэнэт үйлдвэрийн түлшний тендерт удаа дараа Сод Монгол ялагч болдог. Тэгвэл энэ асуудлыг Эрүүгийн цагдаа шалгах хэрэгтэйг цахим орчинд гарсан мэдээллүүдэд хандаж байгаа иргэдийн сэтгэгдлээс харж болохоор байна. Шинээр тендер зарлаж байгаа нь өмнө болсон тендерийн ажил илтэд хууль зөрчсөнийг харуулсаар байгаа юм. Энэ тохиолдолд Эрүүгийн цагдаа ажлаа хиймээр байна.
Сэтгэгдэл (0)
Сэтгэгдэл бичигдээгүй байна