Худалдаа хөгжлийн банкны ТУЗ-ийн дарга Д.Эрдэнэбилэгийг өнгөрөгч дөрөвдүгээр сард цагдан хорьж таслан сэргийлэх арга хэмжээ авсан. Тодруулбал Д.Эрдэнэбилэгийг Хөгжлийн банкны зээлийн асуудалтай холбогдуулан АТГ-аас эрүүгийн хэрэг үүсгэн, яллагдагчаар татсан юм. Харин прокурор түүнийг дахин гэмт хэрэг үйлдэж болзошгүй гэдэг үндэслэлээр цагдан хорих саналыг шүүхэд хүргүүлсэн билээ.
Тэгвэл сахал хочит Д.Эрдэнэбилэг нь одоо ШШГЕГ-ын харьяа хорих 461-р ангийн эмнэлэгт хэвтэж байгааг эх сурвалж мэдээллээ. Мөн өнгөрсөн өдрүүдэд Нийслэлийн Шүүхийн шийдвэр гүйцэтгэх газрын дарга, хурандаа Х.Оюунболд хорих ангид байгаа Д.Эрдэнэбилэгтэй нууцаар уулзахыг завдаж хуйвалдаан зохион байгуулахыг оролджээ. Ингэхдээ Х.Оюунболд нь ШШГЕГ-ын хорих ял эдлүүлэх албаны дарга, хурандаа Ч.Мөнх-Эрдэнэтэй тохиролцож Д.Эрдэнэбилэгтэй уулзуулахаар доод албан тушаалтнууддаа шахалт үзүүлсэн гэдгийг эх сурвалж хэлж байна. Харин тэдний нууц уулзалт хийх хуйвалдаанд доод албан тушаалтнууд нь оролцохгүй гэдгээ илэрхийлэн эсэргүүцжээ.
Сэтгэгдэл (0)
Сэтгэгдэл бичигдээгүй байна