Нийслэлийн прокурорын газрын орлогч А.Цэрэнсодномын тушаалыг бууруулжээ

Нийслэлийн прокурорын газрын орлогч А.Цэрэнсодномыг тушаал бууруулж УЕП-ын зөрчил хариуцсан прокуророор томилжээ.Тэрбээр Тээврийн прокурорын газрын орлогч, Сүхбаатар дүүргийн прокурорын газарт хэрэг бүртгэх, мөрдөн байцаах ажиллагаанд хяналт тавих ажил хариуцсан ахлах прокуророор ажиллаж байсан туршлагатай. Гэвч түүнийг чухам юунаас болж, яагаад тушаал бууруулах болсон нь одоогоор тодорхойгүй байна.

Дашрамд дурьдахад Улсын ерөнхий прокурорын орлогчид нэр дэвшиж байх үед А.Цэрэнсодномын бусдаас 500 сая төгрөг нэхэж буй бичлэгийг манай сайт дэлгэж байсан. Тэрээр уг бичлэгийг өөрийнх нь мөн гэж хүлээн зөвшөөрдөг ч "Тухайн бичлэг нь албан тушаалаа ашиглаагүй, бусдаас авах ёстой 500 сая төгрөгөө нэхэж, маргалдсан" гэж манайд өгсөн ярилцлагадаа дурьдсан байдаг. Гэвч түүний өгсөн тайлбараас үзэхэд "Сая гаруй төгрөгийн цалинтай прокурор ямар аргаар 500 сая төгрөгтэй болсон, ямар учиртай авлага бий болсон" нь сонирхол татаж байсан юм.