Д.Сумъяабазар: Цахим шилжилт хийхдээ мэдээллийн аюулгүй байдалд онцгой анхаарна

М.Ариунжаргал
2022/06/27

Мэдээлэл технологийн шийдлүүдийг ашиглан, иргэдийн ажиллаж, амьдрахад таатай ухаалаг хотыг бий болгоход нийслэлийн төрийн байгууллагууд мэдээлэл технологийн үндэсний тэргүүлэгч 70 гаруй аж ахуйн нэгжтэй хамтран ажиллахаар боллоо. 2022-2024 онд хэрэгжүүлэх "Улаанбаатар хотын цахим шилжилт" нь төр, хувийн хэвшлийн хамтран хэрэгжүүлэх анхны томоохон төсөл юм. Тус төсөл нь Цахим засаглал, Зам тээврийн нэгдсэн ухаалаг систем, Аюулгүй хот  гэсэн гурван бүлэг, 12 дэд төсөл, 27 арга хэмжээнээс бүрдэнэ. Нийслэлийн Засаг дарга бөгөөд Улаанбаатар хотын Захирагч Д.Сумъяабазараас цахим шилжилтийн талаар зарим зүйлийг тодрууллаа.

-Цахим шилжилтийг хувийн хэвшилтэй хамтран хэрэгжүүлж байгаа нь онцлох үйл явдал болж байна. Цахим шилжилт хийх хэрэгцээ, шаардлага хэр их байсан бэ?

-Улаанбаатар хотын түгжрэл, дэд бүтэц, барилга байгууламж болон газрын тусгай зөвшөөрөл, төрийн байгууллагуудын уялдаа холбоо зэргээс үүдэн цахим шилжилт хийх зайлшгүй шаардлага үүсээд байна. Үүнтэй холбоотойгоор төрийн байгууллагуудын үйл ажиллагаа олон нийтэд ил тод, нээлттэй байх, хүний хүчин зүйлээс үл хамааран ажилладаг байх зохицуулалтыг хийх ёстой. Улаанбаатар хот бол Монгол Улсын хүн амын талаас дээш хувь нь амьдарч, эдийн засгийн 70 хувь эргэлдэж байгаа нийгэм, эдийн засгийн төв. Тиймээс нийслэлийн зүгээс санаачилгатай ажиллаж, манлайлж байж авлигын индекс буурах, олон улсын тавцанд манай улсын үнэлгээ, нэр хүнд өсөх эхлэл тавигдана.

-Улаанбаатар хот цахим шилжилт хийхийн тулд юунаас эхлэх ёстой вэ?

-Цахим технологи гэдэг бол хүний хүчин зүйлээс үл хамаарах, хиймэл оюун ухаанд суурилсан программ. Нийслэл бол их өгөгдлийн суурь учраас Улаанбаатар хот өөрөө гол платформ байх ёстой. Хотын 1.6 сая хүний өдөр тутмын хэрэглээг нэгдсэн платформд оруулж, цахим шилжилт хийх хүрээнд үндэсний хэмжээний аж ахуй нэгж, байгууллагуудтай тохиролцох зэргээр уг ажлыг үе шаттайгаар хийж, хэрэгжүүлж байгаа. Олон улсын зөвлөхүүдтэй хамтарч ажиллахаар бэлтгэл ажлыг хангаж, үндэсний томоохон компани болох “Ай Си Ти групп” ХК-тай хамтран ажиллах Санамж бичиг байгуулан ажиллаж байна. Цахим шилжилт хийхдээ мэдээллийн аюулгүй байдалд онцгой анхаарах ёстой тул Тагнуулын ерөнхий газартай нягт холбоотой ажиллана.

-Цахим шилжилт хийхэд хэчнээн хэмжээний хөрөнгө мөнгө төсөвлөсөн бэ?

-Үнийн өсөлт зэргийг харгалзан үзвэл цахим шилжилт хийхэд багагүй хөрөнгө шаардагдана гэж тооцоолж байна. Долдугаар сарын 1-ний НИТХ-ын ээлжит чуулганы хуралдаанаар цахим шилжилтийн тухай хэлэлцүүлэхээр бэлтгэж байгаа.

Барилгын зөвшөөрөл авахад 2000 оны эхээр 240-өөд гарын үсэг цуглуулдаг байсан, одоо 44 гарын үсэг зуруулдаг. Одоо энэ байдлыг халж, газар болон барилгын гэрчилгээ, зөвшөөрлийг цахимаар олгох шилжилтийг эхнээс нь хийж байна. Цахим шилжилт хийх хүрээнд үндэсний 70 орчим аж ахуй нэгжтэй хамтран ажиллаж, цаашид хэрэгжүүлэх ажлуудаа түргэвчилнэ.


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Х.Булгантуяа: Цалинтай ээжийн 50 мянгыг нэмэх санал хүргүүлсэн 6 цагийн өмнө
Ирэх сард ихэнх нутгаар хүйтэн байна 6 цагийн өмнө
Ирэх сарын 1-нээс эмч, багш нарын үндсэн цалин нэмэгдэж, 1.4 сая төгрөгт хүрнэ 7 цагийн өмнө
Зам засварын ажил ирэх сарын 10-наас эхэлнэ 8 цагийн өмнө
​П.Баттөр: Хоёр охиноо төрөхөд хүйг нь тасалж байлаа, эхнэрээ яаж зовж төрснийг харсан эр хүн гэр бүлээ хэзээ ч орхихгүй байх 9 цагийн өмнө
Монгол, солонгосчууд хамтдаа “Хөх толботон” аялал жуучлалын шинэ маршрут нээх санаачилгыг Ерөнхий сайд дэвшүүллээ 10 цагийн өмнө
Сурагчид өнөөдөр хичээллээд амарна 10 цагийн өмнө
Танилц: Өнөөдөр цахилгаан хязгаарлах байршлууд 10 цагийн өмнө
Ойрын хоёр хоногтоо салхитай хүйтэн байна 10 цагийн өмнө
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна Өчигдөр
​Б.Баярсайхан: Намайг төрд хэрэгтэй гэвэл би нэр дэвшинэ Өчигдөр
Бага тойруугийн 30 гаруй байршилд өдрийн цагаар зогсоол хамгийн эрэлттэй байна Өчигдөр
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна Өчигдөр
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана Өчигдөр
Дөрөвдүгээр сард зохион байгуулагдах хүчит бөхийн барилдааны хуваарь Өчигдөр
Хүүхдийн паркт амьтны хүрээлэн ажиллаж байна Өчигдөр
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно Өчигдөр
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих Өчигдөр
Өнөөдөр цахилгааны хязгаарлалт хийх байршлууд Өчигдөр
Цасан шуурганаар сураггүй болсон хоёр иргэнийг хайж байна Өчигдөр