Хотын дарга Д.Сумъяабазар хөдөө орон нутгаас Улаанбаатарт ирэх иргэдийн шилжилт хөдөлгөөнийг 2027 он хүртэл зогсоох санал гаргажээ. Учир нь нийслэл хот хүн амын ачааллаа даахаа больж авто замын түгжрэл, агаарын бохирдол зэргээс эхлээд тулгамдах асуудал олон байгаа тул шилжилт хөдөлгөөнийг хязгаарлах нь зүйтэй гэж үзсэн байна.
Өмнө нь 2017 онд Эрүүл мэндийн тусламж, үйлчилгээ авах зайлшгүй шаардлагатай болон албан томилолтоор нийслэлд зургаан сараас дээш хугацаагаар ажиллах төрийн албан хаагч, түүний гэр бүл, Улаанбаатар хотод орон сууц худалдан авснаас бусад тохиолдолд хөдөө орон нутгаас нийслэлд ирэх шилжилт хөдөлгөөнийг 2020 оны нэгдүгээр сарын 1-нийг хүртэл зогсоох шийдвэр Засгийн газар гаргаж байсан.
Энэ удаад хотын даргын гаргасан саналыг 7-р сарын 1-нд Нийслэлийн Иргэдийн Төлөөлөгчдийн хурлаар хэлэлцэхээр төлөвлөсөн байна.
Сэтгэгдэл (0)
Сэтгэгдэл бичигдээгүй байна