Л.Наранбаатар: Уут цементийг 15 мянган төгрөгт тогтоож, ченжийн гар дамжуулахгүй борлуулна

Захуудаар үнэ судалсан. МАК, Монцементийн ууттай цементийг 24,000- 25,000₮ ( тонн нь 480,000-500,000₮) зарж буй нь сезоны улиралд айл өрхүүдэд маш их дарамт болж байна гэж Хөтөлийн захирал хэллээ. 

Өнөөдрөөс Хөтөлийн “Цемент Шохой” ТӨХК өөрийн гэрээт борлуулагчдаар дамжуулан захуудаар тодорхой хяналттайгаар, ченжийн гар дамжуулахгүйгээр борлуулалт хийж эхэллээ. Үнийг бид 15,000₮ -өөр тогтоож, байшин барьж буй нэг хүнд 7 хоногт нэг удаа 5 тонн цемент өгөх байдлаар зохицуулалт хийж байна. Өдөрт бид багадаа 50кг-аар савласан 20 мянган ширхэг ууттай цемент УБ -ын 44, Толгойт, Амгалан дахь захуудад борлуулж, айл өрхүүдийг үнийн өсөлтийн дарамтаас гаргана.

Цаашлаад энэ долоо хоногтоо Дархан, Эрдэнэт, Сэлэнгэ аймгийн төвийн барилгын материалын захуудад нийлүүлэлт хийж ууттай цементийг тухайн бүс нутагт 14,000₮ -т барина.

Үнийн өсөлтийн эсрэг аян барилгын материалын 44-р зах (гурвалжин)-аас өнөөдөр ийнхүү эхэлж байна гэж Л. Наранбаатар хэллээ.