Үндэсний их баяр наадмыг зохион байгуулах хорооноос мэдээлэл хийх үеэр Үндэсний бөхийн салбар хорооны дарга, ХЗДХЯ-ны төрийн нарийн бичгийн дарга П.Сайнзориг: -
Үндэсний их баяр наадмын тухай хуульд нийцүүлэн Засгийн газраас баталсан журмаар бол дөрөв юм уу, тавын даваанд дархан аварга цолтой бөх зодог тайлах хүсэлт гаргавал цолыг нь дуудаж есөн хөлт цагаан туг тойруулах зэрэг ёслолын арга хэмжээ зохион байгуулж болохоор заасан.
Үндэсний их баяр наадмын тухай хуулийн шинэчилсэн найруулгын төслийг анх өргөн барихдаа допингийн шинжилгээний хариу гарсны дараа Ерөнхийлөгч цол олгох арга хэмжээ зохион байгуулахаар тусгасан байсан. Үүнийг өөрчлөөд хуучин заалтыг нь хэвээр үлдээсэн. Өөрөөр хэлбэл, 12-нд Ерөнхийлөгч зарлигаа гаргаж цол олгоно. Харин допингийн шилжилгээнд бүдэрвэл Ерөнхийлөгч 14 хоногийн дотор зарлигаа цуцалж цолыг нь хураана гэж хэллээ.
Сэтгэгдэл (0)
Сэтгэгдэл бичигдээгүй байна