Т.Аюурсайхан: Болж бүтэхгүй бол шулуухан уучлал гуйгаад ажлаа өг Л.Халтар сайдаа

Дуусдаггүй бэрхшээл, дундардаггүй зовлонтой Дарханы замын бүтээн байгуулалт иргэдийг төдийгүй эрх баригчдыг бухимдуулж эхэллээ. Өнөөдөр УИХ-ын дэд дарга Т. Аюурсайхан Дарханы замын ажлыг дуусгаж чадахгүй, болохгүй бүтэхгүй бол шулуухан уучлал гуйгаад ажлаа өг гэж Зам тээврийн хөгжлийн сайд Л.Халтарт хатуухан хэлсэн юм. Тэрээр иргэд олон нийттэй уулзалт хийж явах үеэр ч хариуцлага тооц гэж нэр дурдсан сайд нарын хамгийн эхэнд Л.Халтар сайдаа таны нэр яригдаж байна гэлээ.