Өчигдөр УИХ-аар Согтууруулах ундааны эргэлтэд хяналт тавих, архидан согтуурахтай тэмцэх тухай хуулийн төсөл болон хамт өргөн мэдүүлсэн хуулийн төслүүдийг эцэслэн баталсан. Тэгвэл уг хуулийн шинэчлэлд бусдыг архи, согтууруулах ундаагаар шахахыг хориглох зохицуулалт тусгасан юм. Тодруулбал хуулийн Тавдугаар бүлгийн 30.2 дахь хэсэгт:
30.2. Бусдыг согтууруулах ундаа хэрэглэхийг шаардахыг хориглоно. Бусдыг согтууруулах ундаа хэрэглэхийг шаардаж согтоосны улмаас бусдад учруулсан гэм хорыг согтууруулах ундаа хэрэглэхийг шаардсан этгээдэд хариуцуулж болно гэж тусгасан байна.
Өөрөөр бол та хэн нэгнийг согтууруулах ундаа хэрэглэхийг шахах нь хууль зөрчсөн үйлдэл бөгөөд хэрэв шахаж уулгасан иргэнд ямар нэг хохирол учирвал уулгасан этгээд хуулийн хариуцлага хүлээж хохирлыг нөхөн төлүүлэхээр боллоо.
Сэтгэгдэл (0)
Сэтгэгдэл бичигдээгүй байна