Г.Занданшатар: Монголчууд бид цагийн бэрхийг даван туулж, өсөн дэвших хөгжлийг бүтээж ирсэн

М.Ариунжаргал
2022/07/11

УИХ-ын дарга Г.Занданшатар Үндэсний их баяр наадмын мэндчилгээ дэвшүүллээ.

Тусгаар Монгол Улсын бүрэн эрхт ард иргэд ээ,

Та бүхэндээ Тулгар төрийн 2230 2231 жил, Их Монгол Улс байгуулагдсаны 815, 816 жил, Үндэсний эрх чөлөө, тусгаар тогтнолоо сэргээн мандуулсны 110, 111  жил болон Ардын хувьсгалын 100, 101 жилийн ойн Үндэсний их баяр наадмын мэндчилгээг Монгол Улсын Их Хурлын нэрийн өмнөөс болон хувиасаа өргөн дэвшүүлж, мэндчилье.

Хөх манхан тэнгэр, хөрст алтан дэлхийг эзэгнэнхэн төрсөн хувь ерөөлөөрөө бахархан омогшдог Монгол түмний Үндэсний их баяр наадам болж байна. Монгол наадам бол хүн бүр улсынхаа тусгаар тогтнолыг хүндэтгэн дээдэлж, бататган хамгаалж, үндэстнийхээ түүхээр бахархаж, ахуй соёлоороо гоёдог өдөр билээ.

Цэнгэлдэхэд хүчит бөхчүүд хангардийн дэвэлтээр дэвэхэд уул ус нь өндөлздөг.

Гарааны зурхайгаас морьд эргэхэд наадамчин олны сэтгэл хөвсөлзөн жигүүрлэдэг.

Эрхий мэргэн харваачид нумаа эрчилж, сумаа татахад дэнжийн салхи исгэрэн шуранхайлдаг. Монгол наадам сайхан.

Монголчууд бид цагийн бэрхийг даван туулж, өсөн дэвших хөгжлийг бүтээж ирсэн.

Монголын ард түмний үнэт өв соёл болсон монгол наадам ахмад, дунд, залуу гурван үеийн залгамж чанар, хэлхээ холбоог бататган бөхөлдөг. Монгол наадам монголчуудыг нэгтгэдэг баяр билээ.

Залуу үеийнхний сайхан ирээдүйг бүтээн босгох эрмэлзэл тэмүүллийг эх оронч үзэл, ард түмнээ гэсэн элгэн халуун сэтгэл, төрт ёс, түүх соёлынхоо уламжлалыг нандигнан өвлөх, үндэсний хэмжээний эрхэмж үзэлтэй уялдуулахад хүн бүр бага балчраасаа эхлэн хичээх учиртай. Төр засаг ч туслан дэмжих үүрэгтэй.

Бид, эх орон хэмээх эрхэм дээд, нийтлэг эрх ашгийнхаа төлөө эвийг ямагт эрхэмлэж, нэгдэн нягтарч, эвээ бөхлөх шаардлага илүү чухал болсон эрин цагт бид амьдарч байна.

Эв санаа, эрч хүчээ нэгтгэн, бэрхшээл саадыг нэр төртэй даван туулж, сайхан монголынхоо саруул ирээдүйг хамтдаа цогцлооё хэмээн Үндэсний баяр наадмынхаа энэ өдөр монголын ард түмэн Та бүхэндээ уриалж байна.

Улс Монголынхоо өндөр дээд ёс уламжлалыг хүндэтгэн дээдэлж, айл гэр, ахан дүүс, анд нөхөд, хотол түмнээрээ дэлгэр сайхан наадаарай.

Монгол Улсын минь сүлд хийморь ямагт мандан бадарч байх болтугай.


МОНГОЛ УЛСЫН ИХ ХУРЛЫН ДАРГА ГОМБОЖАВЫН ЗАНДАНШАТАР

2022 оны 7 дугаар сарын 11

Улаанбаатар хот


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Д.Шагдарсүрэн: Энэ хүйтэнд бог малын шилбэ хөлдөх эрсдэлтэй, бод малын хэвтэрийг дулаан байлгах хэрэгтэй 8 минутын өмнө
Д.Цэцэнбилэг: Буруу мэргэжил сонголоо гээд амьдрал тэр чигтээ дуусч байгаа зүйл биш 17 минутын өмнө
Цасанд боогдсон 37 иргэнийг аварчээ 1 цагийн өмнө
“Монгол Улс, Япон Улсын энх тайван, хөгжил цэцэглэлтийн төлөөх Тусгай стратегийн түншлэл”-ийг хөгжүүлэхэд чиглэсэн Хамтарсан мэдэгдэл гаргалаа 1 цагийн өмнө
Автобус хүлээсэн иргэд: Нэгдүгээр эгнээгээ чөлөөлж автобусаа чөлөөтэй явуул, бид хүлээсээр "хөлдлөө" 2 цагийн өмнө
Өмнөговь: МАН-ын хорооноос төрийн албан хаагчийн цалинг 80 хувиар нэмэх шаардлага тавилаа 2 цагийн өмнө
Р.Сэддорж: Би “Тавантолгой” ХК-ийн захирлаар долоон жил ажилласан, нүүрсний хулгайн асуудлыг компаниас нь очиж асуу 2 цагийн өмнө
Шөнөдөө ялимгүй цас орно 2 цагийн өмнө
АЙЛЧЛАЛ: Ерөнхийлөгч У.Хүрэлсүх Япон Улсын Ерөнхий сайд Ф.Кишида-тай албан ёсны хэлэлцээ хийв  14 цагийн өмнө
Ерөнхийлөгч У.Хүрэлсүхийг Япон Улсын Ерөнхий Сайд Ф.Кишида угтлаа 14 цагийн өмнө
Э.Чимэдлхам: “Chairman Summit” удирдах ажилтнуудад зориулсан чуулга уулзалт зохион байгуулна 17 цагийн өмнө
Г.Занданшатар: “Намайг алгас” гээд байхад архиар шахвал хуулийн хариуцлага хүлээнэ 17 цагийн өмнө
Ш.Төрбат: Энэ өвөл эрчим хүчний асуудал хүнд байгаа ч нийлж хавсраад даваад гарах өөдрөг үзэлтэй байх хэрэгтэй 18 цагийн өмнө
"O'COUTURE FASHION SHOW 2023" болоход гурав хоног үлдлээ 18 цагийн өмнө
Цаг уурч Д.Шагдарсүрэн: Хүчтэй салхи гарахгүй бол энэ хүйтэн агаар удаан хугацаанд үргэлжилнэ 19 цагийн өмнө
Эрчим хүчний зохицуулах хороо: Айл өрхийн цахилгааны шөнийн тарифийг 12-р сарын 01-нээс эхлэн хөнгөлнө 19 цагийн өмнө
​ Ерөнхийлөгчийн айлчлалын үр дүнд "Алтанбулаг-УБ-Замын-Үүд" чиглэлд баригдах хурдны замын ажил эхэлнэ 19 цагийн өмнө
Шахмал түлшний болон шаардлагатай түүхий эдийн нөөц хангалттай байна 19 цагийн өмнө
Үхрийн 100 хоногийн хоолны дэглэм 19 цагийн өмнө
Иргэдийг цасан шуурганаар зорчихгүй байхыг сэрэмжлүүлж байна 20 цагийн өмнө