Төрийн өмчит их, дээд сургуулиудын төлбөрийг нэмүүлэхгүй гэв

Их, дээд сургуулийн хичээл ирэх наймдугаар сарын 26-наас танхимаар хичээллэж эхэлнэ. Энэ хичээлийн жилд 88 их, дээд сургуульд 140 мянга гаруй оюутан суралцана. Жил жилийн намар Их, дээд сургуулиуд сургалтын төлбөрөө нэмж, эцэг эхчүүдэд дарамт учруулдаг. Арилжааны банкууд ч зээл олгохгүй байгаа энэ үед яамны зүгээс сургуулиудын төлбөрт хэрхэн анхаарч байгаа талаар  Боловсрол, шинжлэх ухааны сайд Л.Энх-Амгалангаас тодрууллаа. 

"Засгийн газрын өнөөдрийн хуралдаанаар үнийн өсөлтийн асуудлыг хэлэлцсэн бөгөөд энэ үеэр төрийн өмчит Их, дээд сургуулиудын төлбөрийг нэмэхгүй байх саналаа илэрхийлжээ. "Сургалтын зардлууд инфляцын, өрхийн зардлын гол хэсэг байдаг.Тиймээс Их, дээд сургуулиуд болон хувийн ЕБС-иудын төлбөрийг нэмэхгүй байх тал дээр яам ажиллаж байна" гэв.