Нэгдүгээр ангид элсэх хүүхдүүдийн бүртгэл энэ долоо хоногт эхэлнэ. 2022-2023 оны хичээлийн жилд 78 мянга гаруй хүүхэд нэгдүгээр ангид элсэх бөгөөд өнөөдрийн байдлаар 45.037 хүүхэд хаягийн зөрчилгүй учраас хамран сургах тойргийн дагуу тухайн сургуульд бүртгэл нь үүсчээ.
Нийслэлийн 15 сургууль зөвхөн хамран сургах тойргийн дагуу суралцагчдыг бүртгэнэ. Өөрөөр хэлбэл бүх сургуулийг хамран сургах тойрог гэж зарлахгүй бөгөөд тойргийн бус хүүхдүүдийг авлигаар авдаг 1, 23,11 дүгээр сургууль зэрэг нэр бүхий 15 сургуулийн бүртгэлийг ил тод явуулна гэдгийг БШУ-ны сайд тодотгосон. Ингэснээр хэний хүүхэд тойргийн дагуу бүртгүүлэв гэдэгт эцэг эхчүүд хяналт тавих боломж бүрдэж буй.
Эцэг эхчүүдийн хувьд хотын төвд болон тойргийн бус сургуульд хүүхдээ бүртгүүлэхийн тулд янз бүрийн арга сэддэг гэдгийг Боловсролын ерөнхий газрын дарга Т.Ням-Очир тодотголоо.
Өөрөөр хэлбэл, аль нэг гэр бүлийн гишүүнийнхээ байрны ордер дээр нь хамт нэрээ бүртгүүлээд дараа нь хасуулдаг, эсвэл бусдад шан харамж өгөх, мөн хуурамчаар гэрлэлтээ бүртгүүлдэг тохиолдолууд ч гардаг байна.
Мөн хотын А цэгт буюу Их тойруу, Бага тойрууд үйлчилгээний байгууллага, түрээсэлж үйл ажиллагаа явуулдаг компаниуд тэнд хүүхэд амьдардаг мэтээр бүртгүүлдэг. Супер маркетын үйл ажиллагаа явуулдаг атлаа тэр хаягт хүүхэд нь амьдардаг гэж худал бүртгүүлэх тохиолдолд гардаг" гэлээ.
Сэтгэгдэл (0)
Сэтгэгдэл бичигдээгүй байна