COVID-19: ОХУ-ын нас баралт 300 хувиар өслөө

Сүүлийн сард халдвар эрчимтэй нэмэгдэж, тархалтыг хумьж чадахгүй байгаа орон бол ОХУ. Тус улсад өчигдөр 27 мянга гаруй хүн шинээр халдвар авч, 496 хүн нас баржээ. Ингэснээр нийт 2.2 сая хүн COVID-19 халдвар авч,  38 мянга гаруй хүн нас барлаа. 

Аравдугаар сард COVID-19-ийн  нэг сарын дундаж нас баралт 300 хувиар өссөн гэдгийг Эрүүл мэндийн газар мэдээлсэн. Тодруулбал, сард дунджаар 2235 хүн энэ халдвараар нас барж байна гэсэн тооцоолол гарчээ. 

Мөн тус улсын Вектор хүрээлэн COVID-19-ийн эсрэг хоёр дахь “EpiVacCorona" вакцины сүүлийн шатны үр дүнг зарлахаар бэлтгэж байна. Туршилт амжилттай болвол энэ жилийн сүүлээр гэхэд 80 мянган цэрэг вакцинд хамрагдана гэдгийг Батлан хамгаалахын сайд Сергей Шойгу өчигдөр зарласан юм.

Эх сурвалж:Moscow Times